![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Objektivi i Federatës Ruse në Ukrainë është të “sigurojë kontrollin e popullsisë dhe të ndryshojë regjimin”, tha të premten në një deklaratë të lëshuar nga Downing Street, shefi i Inteligjencës së Mbrojtjes së Mbretërisë së Bashkuar, Sir Jim Hockenhull.
“Forcat ruse vazhdojnë të avancojnë në dy akse drejt Kievit. Objektivi i tyre është të rrethojnë kryeqytetin, të sigurojnë kontrollin e popullsisë dhe të ndryshojnë regjimin”.
Zyrtari britanik i inteligjencës vuri në dukje gjithashtu se Rusia “vazhdon të kryejë sulme në të gjithë Ukrainën” me një “seri të bashkërenduar sulmesh” të nisura në kryeqytetin e vendit, Kiev, gjatë natës të së enjtes deri të premten.
“Në Chernihiv dhe Kharkiv janë përdorur shumë raketahedhës,” vazhdoi Hockenhull.
“Forcat e Armatosura të Ukrainës vazhdojnë të ofrojnë rezistencë të fortë, duke u fokusuar në mbrojtjen e qyteteve kryesore në të gjithë Ukrainën”, shtoi ai.